பறவைகளும்...! நண்பர்களும்...!

நீங்கள் இதில் யார்?

 

சிலநேரம் நண்பர்கள் பட்டாம்பூச்சி-போல

அழகாய் தோன்றி அமைதியாய் 

மறைந்துவிடுவார்கள்...!

சிலநேரம் நண்பர்கள் தேனீ-போல 

தேவைக்காக மட்டும் நம்மைசுற்றி 

அசைவாடிக்கொண்டே இருப்பார்கள்...!

சிலநேரம் நண்பர்கள் பருந்து-போல 

பெரியவன் என்ற தோரணையிலே 

வட்டமடிப்பார்கள்...!

சிலநேரம் நண்பர்கள் ஆந்தை-போல 

குறுகிய நண்பர்கள் வட்டத்திற்குள் அடைத்துகொண்டு 

இன்பம் காணுவார்கள்....!

சிலநேரம் நண்பர்கள் கிளியை-போல

கனிக்காக காத்திருந்து பஞ்சைப்பார்த்ததும் 

பறந்துவிடுவார்கள்...!

சிலநேரம் நண்பர்கள் மயில்-போல 

நேரம் வரும்போது மட்டும் 

தோகையைவிரித்து ஆடுவார்கள்...!

சிலநேரம் நண்பர்கள் காகங்கள்-போல 

கூப்பிடும் குரலுக்கு செவிசாய்த்து, எதுவாயினும் 

அதை பகிர்ந்து வாழ்பவர்கள்...!

சிலநேரம் நண்பர்கள் புறாவைப்-போல 

தன் துன்பங்களை அடக்கிக்கொண்டு பிறருக்கு 

சமாதான தூதுவராய் மாறுவார்கள்...!

சிலநேரம் நண்பர்கள் குயிலைப்-போல 

தோற்றத்தை விமர்சித்தாலும்

நடத்தையால் வசீகரிப்பார்கள்...!

சிலநேரம் நண்பர்கள் கொக்கு-போல 

விட்டுகொடுக்க மனமின்றி 

விடாப்பிடியாய் காத்துக்கிடப்பார்கள்...!

சிலநேரம் நண்பர்கள் குருவியைப்-போல 

ஆடிப்பாடுவதர்க்காகவே எந்த சூழ்நிலையிலும் 
நம்முடன் இருப்பவர்கள்...! 

அது எப்படி!!!
பறவைகளின் குணங்கள் உனக்கு தெரியும் - என
எனை திட்டாதீர்கள்... - ஏனெனில்
நான் என் நண்பர்களின் குணங்களை 
அறிந்து வைத்துள்ளேன்...!