கரன்சி பிடியில் காந்தி
தோற்றுபோன வரலாறால்
துவண்டுபோன இதயங்கள்
தடம் மாறிய மனிதர்களால்
சிதைவுற்ற சித்திரங்கள்...*
நானிலங்கள் வரண்டதால்
நரைத்து போன முடிகள்
நலிந்து போன உறவுகளால்
நடை பாதை தெரியா உள்ளங்கள்...*
உணவும் உடையும் இன்று
உடலை விலைக்கு வாங்கியது
வறுமையில் சிக்கிய புயலாய்
வரண்டு போய் அலைகிறேன்
வீணாய் கிடந்த வானத்தில்
சிதைந்து கிடந்த மேகங்களாய்
விடைதெரியாது...
வீணற்று கிடக்கிறேன்...*
விரிசலுற்ற சாலையில்
பிளவுற்ற வேர்களின் துடிப்புகள்
வாடிய இலைகளாய் இளைஞர்கள் - இன்றும்
செயற்கை சுவரொட்டிகளாய்...*
நாம் சிந்திய கண்ணீர்துளிகளில்
வளர்ந்த மரம் ஒன்று
உதிர்த்து விட்ட பூக்கள்... - வாடிய
சருகுகளாய் கலைந்து கிடந்தன
ஊடுருவிய காலநிலையால்...*
விற்றுபோன மனிதநேயத்தில்
மறைந்த சுதந்திர தாகங்கள்...
ஏலம்விடப்பட்ட நாட்டில்
காந்தி புன்னகையும் விலைக்கு வந்தது...*
விடைதெரியாது எழுதிய காகிதத்தில்
வீணடித்த காலத்தின் சுவடுகள்...
வியர்வையில் புரளும் உதிரத்தில்
விளைந்த கரன்சியில்
காந்தியின் கண்ணீர் துளிகள்...
புரிந்தது எனக்கு
கரன்சி பிடியில் காந்தி...*
விடை கொடு நாடே
விடுப்பு காந்திக்கு மட்டுமல்ல...
என் மக்களுக்கும் தான்...*
No comments:
Post a Comment
Do U Like This...