தந்தாய் உந்தனின் ஆசீர் (Thanthaay Unthanin Aaseer) - விசுவாசிகள் மன்றாட்டு

தந்தாய் உந்தனின் ஆசீர்

எம்மில் தங்கிடுக!

திருத்தந்தை ஆயர்கள் குருக்களும்

கன்னியர் துறவியர் யாவரும்

உடல் உள்ள நலன்கள் பெற்றிட

உமது அருளும் தா...* - தந்தாய்

இந்நாட்டு மன்னர்கள் அமைச்சர்கள்

எம் நாட்டு ஆட்சியர் மக்களும்

அன்பைப் பொழிந்து உறவில் வளர

வரங்கள் பலவும் தா...* - தந்தாய்

இறைமக்கள் நாங்கள் யாவரும்

விசுவாசம் கொண்டு வாழவும்

ஆன்மீக வாழ்வில் மேலும் சிறக்க

இறையே அருளும் தா...* - தந்தாய்

இன்றைய விழாவை சிறப்பிக்கும்

இளைஞர்கள் குடும்பங்கள் யாவரும்

வேண்டும் வரங்கள் பெற்று மகிழ

ஆசீரும் அருளும் தா...* - தந்தாய்

பலியின் பங்காளர் யாவரும்

அவர்கள் குடும்பத்தின் அனைவரின்

கவலை கஷ்டங்கள் தீர்ந்திடவும்

நலன்கள் பலவும் தா...* - தந்தாய்

இறந்த ஆன்மாக்கள் அனைத்தையும்

யாரும் நினையா ஆன்மாவையும்

உமது வான் வீட்டில் சேர்த்திடவும்

நித்திய இளைப்பாற்றி தா....* - தந்தாய்