பசியால் சாகடிக்கிறோம்
பிணியால் சாகடிக்கிறோம்
பிரிவினையால் சாகடிக்கிறோம்
இன்னும் எத்தனை
எத்தனையோ...
வெறும் உடலை கொல்லவா
இந்த போர்களும், அழிவுகளும்...
மனிதா! உனது ஆறறிவும்
அழியயியலா திறனும்
சிறு குழந்தைகளை அழிக்கவா...!
ஒருபுறம் கோடிகளில் செழிக்க
மறுபுறம் தெருக்கோடிகளில்
அலைகிறது...
மனிதா உன்...
ஒரு ஜான் வயிற்றை நிரப்ப
சமுத்திரம்தான் வேண்டுமோ...!
எங்கே சமநிலை மனிதா
உன்னைப்போல் தானே மற்றவனும்...
ஒதுக்கப்படும் இனமும் ஓருருவம் தானே
அழிந்துபோகும் உடலும் ஓருடல் தானே
இம்மானிட பிறப்பில்...
மனம் மட்டும் ஏன் மாற்றினாய்
இறைவா
இந்த மதிகெட்டோர் வீதியில்...!
உன் தோழனின் அழுகுரல் - உன்
காதுக்கு எட்டவில்லையோ...
அவன் அழிவின் சாரங்கள் - உன்
கண்களில் விழவில்லையோ... - இல்லை
எல்லாம் முடிந்த பின்
பூச்செண்டு கொண்டு போய்
புகைப்படமெடுக்க நினைக்கிறாயோ...!
மனது பதைபதைக்கிறது...
கண்கள் குளமாகிறது...
மத இன மொழிகளை தாண்டி - அவனும்
என்னைப்போல் ஒருவன் எனும்போது...
கடவுளிடம் இதை முறையிடுவதா
- இல்லை
கரம் கொடுத்து தூக்கிவிடுவதா...!
என்னால் முடிந்தவற்றை இதில்
கொட்டி தீர்க்கின்றேன்...
எளிய மனம் படைத்தவர்கள்
இதைக் காணவேண்டும்
தங்களால் இயன்ற உதவிகளை செய்யவேண்டும்...
இறைவா இன்னொருமுறை - நீ
மீண்டும் பிறக்கவேண்டும்...
சிலுவையை சுமக்க அல்ல - எம்மக்களின்
சிலுவைகளை இறக்கி வைக்க...!
#savesyria #prayforsyria
.
.
-ஜோ. பிரிட்டோ ராஜ்
No comments:
Post a Comment
Do U Like This...