மலரும் தருணங்களில் “குடும்பவிழா – 2018”
பேச முடியாத அளவுக்கு தொண்டை வலி
நடக்க முடியாத அளவுக்கு கால் வலி
வேலைசெய்ய முடியாத அளவுக்கு உடல் வலி
பெயர் சொல்ல முடியாத அளவுக்கு
பெரிய வியாதியாக இருக்குமோ... – என
யாரும் தவறாக நினைக்கவேண்டாம்...!
பிறருக்காக செய்த பணியில்
மறுநாள் கிடைக்கும் வெகுமதிகள்...
மறுபடியும் அப்படியொரு வாய்ப்பு அமைந்தது
எங்கள் குடும்ப விழாவில்..!
சொத்து சேர்க்க போராட்டமில்லை
வாங்கி குவிக்கும் எண்ணமுமில்லை
ஓய்வறியா அரபு பணிகள் நடுவில்...
பிறரின் தேவைகளுக்காக உழைத்தோம்
ஒன்றுகூடி, நாள் தூக்கம் மறந்து..!
கூவி கூவி அழைத்து விற்று
உடல் வறுத்த கூலி பெற்றோம்...
உலக மாந்தர்கள் நடுவினிலே
உயர்வான பணியை நிறைவேற்றி முடித்தோம்...!
விழாவும் நன்றாய் முடிச்சாச்சு
வித்த கடனையும் அடைச்சாச்சு
நன்றிகள் பல பகிர்ந்தாச்சு...
வாழ்த்துக்கள் வந்தும் குவிந்தாச்சு
அலங்கார தோரணைகள் அவிழ்த்துபோட
ஆலய வளாகமும் வெறிச்சோடிப்போச்சு...
விற்ற பாதமும், கூவிய சத்தமும்
இன்னும் காதில் ஒலிக்கிறது...
தன்னலம்பாரா உதவிய உள்ளங்களால்
எங்கள் குடும்பவிழா மேலும் இனிக்கிறது..
மறக்கமுடியா தருணங்களில் ஒன்றாய்...!
-ஜோ. பிரிட்டோ ராஜ்
No comments:
Post a Comment
Do U Like This...