அரசியலும், கொள்ளிவாய் பிசாசும்... (Stop Hydrocarbon Project in Tamil Nadu 2017)

மீத்தேன் எனும் கொள்ளிவாய் பிசாசு 
பணக்கார பிசாசுக்களால் எரியூட்டப்படுகிறது... 
ஆறாத தீம்புன் எம்மண்ணுக்கு மட்டுமல்ல 
எங்களுக்குள்ளும் தான்...*

ஆழி துயர் வந்தாலும் 
அடுப்பரிசிக்கு கலப்பைதூக்கும் இனம் 
இன்று அடுப்பு கரிக்காக 
ஆதாயம் தேடிப்பார்க்கிறது...*

பருவமழை பெய்யுமா என 
பரிதவித்து நிக்கும்போது 
பொய்த்தமழையால் லாபம் என்று 
பொட்டல்காடாய் மாற்ற பார்க்கிறார்கள்...*

மாடு பூட்டி ஏருவிடுகிறவனுக்கு 
மணி-காட்டி நோட்டம் பார்க்கிறார்கள்... 
மண்மேலே பச்சைதங்கம் விளைந்துகிடக்க 
மன்னுக்குள்ளே புதையலென தோண்டிபார்க்கிறார்கள்...*

வந்தாரை வாழவைப்பது எங்க பூமி 
வாய்க்கரிசி போடபார்க்கிறாய் என்னநியாயம் சாமி 
சேற்றுபுண்ணில் காலம்ஓட்டுவது பொழப்பு சாமி 
சுடுகாட்டில் பணம்பார்ப்பதுதான் வளர்ச்சியா சாமி...* 

எல்லாவற்றிற்கும் போராட்டம்தான் தீர்வெனில் 
எடுத்துவைத்த ஆட்களுக்கு என்ன வேலை... 
8 கோடி மக்கள் இங்கு பதறிநிக்க – நீ 
தேசபற்று நாடகத்தை திரையேற்றுகிறாய்... 
பஞ்சுபறக்கும் தரிசுநிலங்களை விட்டுவிட்டு – ஏன் 
பஞ்சம் தீர்க்கும் கழனிநிலங்களில் கைவைக்கிறாய்...*

வேண்டாவொன்றை அழுத்தி திணிப்பது 
இப்பொழுது ஜனநாயக மரபானது... 
இளைஞர்கள் காலம் இது 
நன்மையெது தீமையெது என 
பிரித்து பார்க்கும் கூட்டமிது... 
வளர்ச்சி என்று நஞ்சைவிதைக்கும் பிசாசுகளை 
தமிழ்நாட்டைவிட்டே விரட்டிஅடிக்க வெகுநாளாகாது...*

-ஜோ. பிரிட்டோ ராஜ்

நாம் எப்படி விலை போகிறோம் (Youth Politics)

வாக்காளர்கள் வெறும் பணத்துக்கா விலை போகிறார்கள்...! 
பணம்தான் ஓட்டிற்கு விலையாய் கொடுக்கப்படுகிறதா???
நாம் எப்படி விலை போகிறோம்...!

• பெரிய கட்சிகளுக்குதான் அரசியல் திறமை உள்ளது என்ற எண்ணம்
• ஒரு தலைவரை மட்டும் முன்னிறுத்தி மொத்த வேட்பாளர்களையும் எடை போடும் தன்மை
• அரசியல்வாதிகளால் மட்டுமே முழுநேர அரசியலில் ஈடுபட முடியும் என நினைப்பது
• ஜெயிக்கிற கட்சிக்குத்தான் என் ஓட்டு என்ற தன்னம்பிக்கையில்லா தன்மை
• பணம் வைத்திருப்பவர்கள்தான், நிர்வாகத்திறமை உள்ளவர்கள் என்ற எண்ணம்
• இறந்து போன தலைவர்களை காரணம் காட்டி ஓட்டு போடுதல்
• இத்தனை வருடங்கள் நமது மாநிலத்திற்கு (அ) நமது மாவட்டத்திற்கு (அ) நமது ஊருக்கு (அ) நமது வீட்டுக்கு இவர்களால் என்ன முன்னேற்றம் அடைந்தது என யோசிக்க முடியாத தன்மை
• புதிதாக வருபவர்களுக்கு அனுபவமில்லை என்ற பேச்சு, முன்னர் இருந்தவர்கள்தான் நம்மை சிறப்பாக வழிநடத்தமுடியும் எனும் கண்மூடித்தனமான நம்பிக்கை
• பிரச்சாரம் பண்ணும் நாள்களைதவிர தொகுதிபக்கம் எட்டி பார்க்காத தலைவர்களை, இந்த 20ம் நூற்றாண்டில் கூட நம்பி திரும்பவும் அவர்களையே தேர்ந்தெடுத்தல்
• ஒரே சமூகமே நான்கு கட்சிகளாக பிரிந்து, கட்சிதான் முக்கியம் சமூகம் முக்கியமில்லை என அடிபணிவது, ஓட்டு போடுவது
• சுயமாக சிந்தித்து தன் வழியில் நடக்கதெரியாத வேட்பாளர்களை தேர்ந்தெடுத்து அவர்களிடம் நல்லது நடக்கும் என எதிர்பார்த்தல்
• கட்சிகள், தலைவர்கள் சேர்ந்து ஆயிரம் கொள்ளைகள், ஊழல்கள் செய்தாலும், திரும்பவும் இவர்களால்தான் ஆட்சி மாற்றம் செய்யமுடியும் என வேடிக்கையாய் நம்புவது
• எத்தனை பேர் நமது தொகுதியில் போட்டியிடுகிறார்கள், அவர்கள் எப்படிபட்டவர்கள் என அலசி ஆராயாமலே, பழகிப்போன சின்னங்களுக்கே ஓட்டுக்களை போடுதல்
• அவர்கள் ரோடு போட்டார்கள், பாலம் போட்டார்கள், இலவசம் கொடுத்தார்கள் என அவர்களது பொறுப்புகளை சாதனையாய் நம்புவது
• ஆளுங்கட்சி, எதிர்கட்சி இவர்களால்தான் மாநிலம் முன்னேறும் என நினைப்பவர்கள், இதுவரை எத்தனை போராட்டங்கள் மற்றும் பிரச்சினைகளை சாதித்தார்கள் என சீர்தூக்கி பார்க்காத தன்மை

இன்னும் எத்தனையோ மூடநம்பிக்கைகள் நமக்குள் வாழ்வதால்தான் சுயேச்சையாக தேர்தலை காணும் வேட்பாளர்களை ஏளனமாய் பார்த்து, இன்று மனிதனை பார்க்காமல் கட்சிக்காக ஓட்டு போட்டு, தெரிந்த ஊழல் கட்சிகளையே திரும்பத்திரும்ப தேர்ந்தெடுத்து சந்தோசப்படும் நாம், நாளை நமது பிரச்சினைகளுக்காக சுயேச்சையாகத்தான் போராடுவோம் என்பது எப்பொழுது தெளிவாகும்.

இங்கு பணம் மட்டுமல்ல, மக்களின் மனமும் மாறவேண்டும், இளையதலைமுறையின் ஆட்சி மண்ணில் மலர...
http://youthpolitics.in/
- ஜோ. பிரிட்டோ ராஜ் 

குடும்ப விழாவும்... நாங்களும்... – Family Day Bahrain 2017

பல மொழிகள் கண்ட நிகழ்ச்சியது

பல்சுவை நிகழ்வுகள் அரங்கேரியது

பதிவுகளை புகைப்படமெடுக்க

சூரியனுக்கும் அனுமதியில்லை

பனிகளால் மூடிவிட்டு

படைத்தவனும் பார்த்து ரசித்தான்...*

தென்றலும் குளிரூட்டியது 

அனல்வாடை காற்றை தவிர்த்தது...

இறைவனுக்கு ஓய்வு கொடுத்து

நிம்மதியாய் தூங்கவைத்தோம்...

ஆர்ப்பரிக்கும் வாத்தியங்கள் எழுப்பிவிடுமென

ஆங்கில வார்த்தை புனைந்து

இருமணிக்கொருமுறை தாலாட்டு பாடிவைத்தோம்...*

வாசலில் பாதுகாப்பு

கலாச்சார வளைகாப்பு

பொழுதுபோக்கின் சாரம்குறையா

உணவகத்தின் மொருமொருப்பு

எண்ணயியலா மக்கள் வெள்ளம்தான்

குடும்பவிழாவின் தனி சிறப்பு...*

மிருதங்கம் இசைமீட்ட

திருமண கோலம் பூண்டது...

மணதம்பதிகள் தோழர்களோடு

கலாச்சார வலம் வந்தது...

அழையா விருந்தாளியாய்

ஔவையும் கட்டபொம்மனும் தரணி வந்தனர்

விவசாய மக்களோடு சேர்ந்து வாழ்த்தி சென்றனர்...*

அத்தனை குளிரிலும்

அசராத குழந்தைகளின் ஆட்டம்...

அசையாது பார்த்த கூட்டம் - சற்று 
வழிவிட்டு நின்றனவே - எங்கள்

கலாச்சாரம் கண்டு வியந்தனவே...*

பன்னாட்டு இசைகளெல்லாம்

படிந்தன தமிழனின் பரதம் கண்டு...

இந்நாட்டு டிஜிட்டல் கண்களெல்லாம்

வியந்தன நங்கைகளின் நடனம் நன்று…*

குடும்பங்களை ஒன்றிணைத்து

வட்டிபிரிக்க கூட்டம் வலைவிரித்தது..

200க்கும், 500க்கும் பரிசுகளை காட்டி

நைசாய் காசு கரக்கும் கும்பல்தானது...

நாள்முழுக்க அலைந்தாலும் விற்றாலும்

கொடுத்து கொடுத்து கைகள்தான் சிவந்தாலும்

மனது மட்டும் நிறைவானது

ஆலயத்தின் பணிகளுக்காக உதவும்போது...*

அளந்துவைத்த அறுசுவைகள் ஆயிரமிருக்க

சோதித்து பார்த்தன ஐம்புலன்கள்...

ஜான் பிடி வயிறு இது - எப்படி

எல்லாவற்றையும் சுவைத்துபார்க்க போகிறது...

ஒன்றை மட்டும் சுவைப்போமென

மனது கட்டுபாடு போட்டது...

வாங்கிதின்று கூப்பன்கள் தீரந்துவிட்டன

மனசு மட்டும் நிறையவில்லை

படைத்தவர்களை வாழ்த்தவும் வயதில்லை...*

மிருதங்கத்தில் வாசித்த பறைகண்டு

குளிர் நரம்புகளும் சூடாயின

காதுகள் அமைதியாக இருக்க

கால்கள் மட்டும் வேலையை காமிக்கிறது...

குத்தாட்டம் போட வயதுமில்லை

குளிரைப்போக்க வேறு வழியுமில்லை...*

திட்டம் தீட்டி சேவைகள் செய்தாலும்

திட்டிதீர்க்க மனதிலிடமுண்டு...

ஒத்துழையாமல் ஒதுங்கியவர்களுக்கு

செய்த பலனை கண்ணில் காண

குடுப்பனையில்லையென நினைத்து – மறுநாள்

நிம்மதி பெருமூச்சுவிட தோனுகிறது...*

ஜாதி மதம் பார்க்காத கூட்டமிது

ஆலயத்திற்க்காய் வாரிவழங்கும் வள்ளலிது

கோவில் பக்கம் ஒதுங்காத மக்களாயினும் – அதிர்ஷ்ட

பரிசுவிழுந்து அழகுபார்க்கும் இறைவன் கருணையது...*

அள்ளி கொடுத்த உறவுகள்

வாங்கி செல்லும் இதயங்கள்

சேவையுள்ளம் கொண்ட மக்களென

பிரிக்கயியலா நேசமிது – எங்கள்

குடும்பவிழாவை பார்த்தால் புரிகிறது...*

-ஜோ. பிரிட்டோ ராஜ்